Insektet gjatë verës, por jo vetëm janë ndër problemet kryesore për njerëzit pasi prezenca e tyre në ambientet ku ne qëndrojmë është e mërzitshme, por edhe problematike për shëndetin.
Me siguri që çdo kujt i ka ndodhur të paktën një herë të vetme kur një mizë ju ka rënë në ushqimin që po konsumoni.
Shumë njerëz e hedhin direkt ushqimin që ka prekur miza, por ka dhe një grup njerëzish që nuk duan t’ia dinë, vazhdojnë të hajnë duke thënë se ishte thjesht një mizë.
Por çfarë ndodh në të vërtetë kur një mizë prek ushqimin që ju po konsumoni? Sipas mediave të huaja thuhet se dëmi që mizat shkaktojnë mbi ushqim është shumë herë më i madh sesa madhësia e tyre dhe më i ndërlikuar nga ne mund ta mendojmë.
Mizat mund të vjellin kur prekin ushqimin
Mizat kanë aftësitë ta kthejnë ushqimin që hanë në të lëngshëm dhe mund të nxjerrin herë pas here nga goja atë që kanë ngrënë.
Lëshojnë vezën e tyre mbi ushqimin që ju po konsumoni
Kështu ushqimi juaj mund të shndërrohet në folenë e duhur për vezët e mizave dhe mund t’ju helmojnë me bakteret e tyre, prandaj mos harroni të mbuloni gjithmonë ushqimin, dhe hidheni ushqimin që ka prekur miza.
Këmbët dhe krahët e tyre janë burim virusesh dhe bakteresh
Mizat shkelin në vende të ndryshme, në vendet ku qëndrojnë mbeturinat, tek koshat me mbetje madje edhe tek jashtëshqitja e kafshëve.
Mizat mbajnë më shumë se 60 sëmundje
Me prekjet që ato bëjnë mbi ambientet më të pa pastra , mizat kanë sëmundje të ndryshme nga lebroza, diarreja, kolera, dizanteria që janë jo pak serioze.
