Manchester United është në kërkim të një mbrojtësi të ri për sezonin e ardhshëm. Ashtu siç raporton ESPN, Solskjaer, i ka paraqitur drejtuesve të klubit tre emra si kandidatë të mundshëm.
Përveç Nathan Ake nga Bournemouth dhe Tyrone Mings nga Aston Villa, është edhe Alessio Romagnoli, kapiteni i Milanit që tërhoqi interesin e trajnerit të Djajve të Kuq.
Nathan Ake prej kohësh është në radarin e United por shërbimet e tij kërkohen edhe nga Chelsea dhe Manchester City. Ai ka bërë 27 paraqitje në Premier League këtë sezon. Raportohet se Bournemouth është i gatshëm të dëgjojë ofertat për 25-vjeçarin këtë verë, sidomos pasi janë të dëshpëruar për të arkëtuar pasi u goditën fort nga coronavirusi. Kuptohet që ai vlerësohet nga klubi rreth 40 milion sterlina.
Për sa i përket, Tyrone Mings, Aston Villa pagoi 20 milion sterlina për të nënshkruar 27-vjeçarin nga Bournemouth verën e kaluar. Ai ka bërë 31 paraqitje në të gjitha garat për ekipin e Dean Smith. Por me Aston Villa në zonën e ftohtë, Mings mund të tundohet për të ikur.
Alessio Romagnoli nga ana tjetër është ëndrra e “Djajve të Kuq” i cili vetëm në moshën 25-vjeçare ka fituar një eksperiencë për tu pasur zili. Mbrojtësi është nën kontratë me Milanin deri në vitin 2022, por mund të mos rinovojë për t’u larguar që këtë verë, edhe pse duhen të paktën 50 milionë euro.
