Një aksident i rëndë ka ndodhur mëngjesin e sotëm në Tiranë. Në aksidentin, e ndodhur rreth orës 05:20 në te kryqëzimi në rrugën ‘Hoxha Tahsin’, janë përfshirë dy automjete, njëra prej të cilave është kthyer përmbys.
Siç shihet dhe nga fotot e publikuara nga LSA, dy mjetet janë dëmtuar shumë nga goditja, ndërsa ende nuk dihet nëse ka pasur persona të plagosur nga kjo ngjarje.
Policia ndodhet në vendngjarje dhe po punon për zbardhjen e rrethanave të ngjarjes. Ende nuk ka një njoftim zyrtar lidhur me aksidentin e ndodhur, që të mund të verifikohet edhe gjendja e drejtuesve të mjetit.
