Ministrja e Shëndetësisë, Ogerta Manastirliu deklaroi këtë të enjte në ‘Opinion’ se shifrat e Covid-19 në vend, kanë “kapërcyer pak pritshmërinë” e autoriteteve shëndetësore.
Për një bilanc të tillë, ministrja fajësoi qytetarët, që sipas saj, nuk kanë respektuar rregullat e kumtuara nga autoritetet shëndetësore e që kanë për qëllim të shmangin përhapjen e virusit.
“Mendonim se do kishim më shumë rregulla të distancimit social”, tha ministrja.
Kujtojmë se ditën e sotme, u raportuan 82 raste të reja me koronavirus si dhe 3 viktima në vendin tonë.
Ditët e fundit rastet janë shtuar, po ashtu e shtrimet në spital.
