Ngjarje e rëndë në zonën e Kombinatit në Tiranë. Policia ka gjetur të vdekura në shtëpinë e tyre një grua 56 vjeçe, e identifikuar si Zhaneta Josifi dhe vajzën e saj, Anisa Josifi, 30 vjeçe. Ndërsa vajza tjetër, Blerta Josifi, rreth 34 vjeçe, është transportuar në spital në gjendje të rëndë.
Ende nuk dihen rrethanat e ngjarjes, por dyshohet se 30-vjeçarja ka humbur jetën para disa ditësh. Dyshimet e policisë janë se viktimat janë vetëflijuar. Në media, është raportuar se gruaja dhe vajzat ishin besimtare të sektit fetar “Dëshmitarët e Jehovait”.
Banorët thonë se vajzat nuk dilnin prej kohesh nga shtëpia, por nuk dine të thonë se për cilën arsye kishin vendosur të jetonin të tërhequra. Banorët po ashtu shprehen kryefamiljari kishte ndërruar disa vite më parë.
Daja i vajzave telefonoi policinë
Ka qenë daja i vajzave që ka njoftuar policinë, pasi e motra nuk po i përgjigjej në telefon dhe nuk po i hapte derën e shtëpisë.
“Shtetasi S.F, ka njoftuar në Komisariatin e Policisë nr 6 se në rrugën ‘Hamdi Cenoimeri’, motra e tij nuk i përgjigjej në telefon dhe nuk i hapte derën e banesës. Në banesë kanë shkuar shërbimet e Policisë dhe të zjarrfikses dhe pasi kanê hapur derën, kanë gjetur pa shenja jete shtetasen ZH.J., 56 vjeçe dhe vajzën e saj A.J., 30 vjeçe, ndersa vajza tjetër B.J, rreth 34 vjeçe, është dërguar në spital, në gjendje të rëndë shendetësore. Paraprakisht nga veprimet e para hetimore dyshohet se janë vetëflijuar. Grupi hetimor i përbërë dhe nga dy ekspertë të mjekësisë ligjore ndodhet në vendngjarje dhe po punon për zbardhjen e plotë të rrethanave të ngjarjes”, njoftoi policia.
