Gjërat më të mira në jetë mund të jenë pa pagesë, por kjo nuk do të thotë se ata nuk do t’ju marrin kohë, djersë dhe këmbëngulje për t’i fituar.
Veçanërisht ky është rasti kur është fjala për të mësuar aftësi të rëndësishme jetësore.
Një lexues i ‘Quora’ ka shtruar pyetjen: Cilat janë aftësitë më të vështira dhe më të dobishme për të mësuar?
“The Independent” ka listuar përgjigjet më të favorizuara:
1. Menaxhimi i kohës
Menaxhimi efektiv i kohës është një nga aftësitë më të vlerësuara nga punëdhënësit.
2. Empatia
Ju mund të jeni individi më i disiplinuar, më i shkëlqyer dhe madje edhe më i pasuri në botë, por në qoftë se ju nuk bëni kujdes për mënyrën si ndjehen njerëzit e tjerë, atëherë ju në thelb s’jeni asgjë.
3. Kontrolloni me gjumin tuaj
Duhet krijuar një ritual që mund t’ju ndihmojë për të patur netë çlodhëse. Studime të shumta tregojnë se të jesh në përputhje me orarin tuaj të gjumit e bën më të lehtë të bini në gjumë dhe të zgjoheni.
4. Pozitivitet për veten tuaj
Në fund të fundit nuk ka rëndësi se çfarë të tjerët mendojnë për ju, por ajo që ju mendoni për veten. Megjithatë duhet kohë për të ndërtuar atë nivel të besimit dhe aftësisë për të besuar në veten tuaj, kur askush tjetër nuk e bën.
5. Konsistenca
Nëse jeni duke u përpjekur vazhdimisht për të arritur qëllime të rëndësishme për karrierën tuaj, konsistenca është jetike për ruajtjen e çdo lloj suksesi. Pasi shpesh njerëzit reshtin së punuari shumë kur ata arrijnë majat.
6. Të kërkosh ndihmë
“Njëherë m’u tha në një intervistë për punë se nuk mund ta keni vendin e punës në qoftë se ju nuk mund të kërkoni ndihmë kur keni nevojë për atë”. Kjo është e vështirë për t’u bërë, pasi askush nuk dëshiron të perceptohet si i dobët ose i paaftë.
7. Duhen të dini kur t’i jepni fund dhe t’I jepni me të vërtetë
Ju nuk mund të bëni gjithçka për çdo gjë e çdokënd. Edhe pse ka shumë raste kur mbajtja e vetes është sigurisht gjëja më e mirë. Kur ne jemi të zemëruar, shqetësuar, nervoz kujtojmë të mirat që kemi bërë dhe kemi tendencë për t’u zhgënjyer. Heshtja kur ju jeni të shqetësuar është njëra prej aftësive më të vlefshme për të mësuar dhe natyrisht një nga më të vështirat.
8. Dëgjimi
Është vështirë të jesh dëgjues i mirë. Një këshillë për të qenë dëgjues aktiv është përsëritja e asaj që keni dëgjuar me të tjerët.
9. Shih punën tënde
Kjo aftësi ndryshon me moshën e njeriut. Futja e hundëve në punën e njerëzve të tjerë nuk është e dobishme dhe është humbje kohe.
10. Zotëro mendimet tuaja
Për të bërë atë që ju doni të bëni dhe për të arritur atë që ju doni të arrini, ju duhet me vetëdije të kontrolloni të menduarit tuaj. Sfida është se ne jemi produkt i përvojës sonë të kaluar dhe të gjithë të menduarit tonë është rezultat i kësaj. Megjithatë, e kaluara nuk barazon të ardhmen.
Burimi: The Independent
