Partizani, edhe pse momentalisht duket se e ka lënë pas periudhën e vështirë pas tre fitoreve radhazi, sërish vazhdohet të flitet për të ardhmen e trajnerit Adolfo Sormani në klub.
Sipas raportimeve më të fundit, kandidatura më e re, në rast shkarkimi të italianit, është Ilir Daja. Ashtu siç raporton “Panorama Sport”, Partizani i ka bërë një ofertë Dajës, të cilin e do edhe Shkëndija. Kështu, në Tetovë dhe në kampin e kuq presin përgjigje për të ardhmen e Dajës.
Por një tjetër boshllëk për tu mbushur brenda skuadrës së kuqe, është reparti i mbrojtjes, specifikisht krahu i majtë i prapavijës. Synimi është afrimi i një lojtari i aftë për të zëvendësuar Lorenc Trashin.
Siç përflitet së fundmi, i përzgjedhuri është talenti i Tiranës, Erion Hoxhallari. Mbrojtësi i majtë është titullar fiks te Tirana që po shkon drejt titullit dhe Partizani kërkon ta joshë.
