Një tërmet i fortë është regjistruar në brigjet perëndimore të Turqisë. Sipas të dhënave paraprake të raportuara nga EMSC, tërmeti ishte me magnitudë 5.5 sipas shkallës Rihter dhe me thellësi 54 kilometra.
Epiqendra e lëkundjeve sizmike ka qenë 23 kilometra nga ishulli Rodos dhe 69 kilometra nga qyteti Mugla i Turqisë.
Tërmeti është regjistruar rreth orës 19:43.
Ende nuk ka informacione për persona të lënduar apo për dëme materiale.
Autoritetet nuk kanë dhënë alarm për ndonjë tsunami të mundshëm.
Kujtojmë këtu që Turqia është goditur nga disa tërmete të fuqishëm gjatë këtij viti, ku më i madhi ishte ai i 24 janarit në lindje të vendit, ku humbën jetën 41 persona.
