Kapiteni i Partizanit Alban Hoxha, ka dhënë një intervistë pas ndeshjes së djeshm kundër Laçit, fituar me rezultatin 1-0.
Duke folur në emisionin “Gol pas Goli”, përveç përshtypjeve për ndeshjen, ai foli edhe për problematikat në klubin e kuq dhe mbi të gjitha çështjen e kontratës së tij me kryeqytetasit.
Rinovimi- “Unë jam akoma nën kontratë me Partizanin deri në fund të kampionatit. Akoma nuk kam rinovuar, por jemi në bisedime.”
Sezoni i Partizanit- “Nuk është Partizani që ka qenë vitin e kaluar. Shpenzimet janë bërë dhe u morën lojtarë që në fillim u mendua që do të ishin shpëtimtarë. U morën Brown, Boldor, Solomon, etj., pasi klubi shpenzoi, megjithatë nuk doli ashtu siç pritej. Futbolli prandaj është i paparashikueshëm, sepse vjet e nisëm shumë modestisht dhe nuk fliste njeri për titull kampion, por fati na mori ndryshe. Kurse këtë vit na mori ndryshe. Në 7 vjet, hiq vitin me Iulianon, ky është viti i dytë më i dobët për Partizanin. Mund të fus shumë faktorë, por të bëjmë analizë, por shpresoj që të kapim kupat e Europës dhe diçka të ndryshojë.”
