Kim Kardashian ka rënë pre e grabitësve në dhomën e saj të hotelit në Paris, mëngjesin e sotëm.
Zëdhënësja e saj Ina Treciokas tha për DailyMail se ylli 35-vjeçar “është tronditur keq, por nuk është dëmtuar fizikisht”, transmeton Bota Sot.
‘Kim Kardashian West është mbajtur në shënjestër brenda dhomës së saj të hotelit në këtë mbrëmje nga dy burra të armatosur të maskuar e të veshur si policë. Ajo është tronditur keq, por fizikisht e padëmtuar”, tha ajo.
Burri i saj, këngëtari Kanye West, ka lënë në gjysmë një koncert në Nju Jork, për shkak të incidentit. Raportohet se asaj i janë grabitur shumë miliona dollarë dhe stoli.
Hetimet janë duke vazhduar. Kardashian dhe West gjenden që nga e mërkura në kryeqytetin francez për javën e modës.
