Autoritetet policore italiane kanë vënë në pranga tre shtetas shqiptarë, pasi akuzohen për trafik droge.
Të prangosurit mësohet se janë një djalë 24-vjeç dhe nëna e tij, të cilët banonin në Gualdo Tadino, si dhe një 31-vjeçar shqiptar.
Ata kanë tentuar që të arratisen por nuk ia kanë dalë dot. Gjatë operacionit, mediat vendase raportojnë, se është sekuestruar 2 kilogramë kokainë dhe 68 mijë euro të cilat u gjetën gjatë kontrollit në banesë në dhomën e nënës.
