Deputeti Lefter Maliqi përmes rrjeteve nuk ka kursyer ironizimet ndaj Kryeministrit Edi Rama, të cilin e krahason me Turin, personazhin e provimit të Gjuhë Letërsisë.
Maliqi shkruan se Rama është gomari i diktaturës.
“Rama po dridhet, pa përpara 3 shkëmbinj dhe popullin si mal. Turi i maturës do ta kishte këshilluar të ndrronte varkë ose të vizitohej në një mjek, por drejtuesi i varkës se krimit nuk degjon njeri. Nuk sheh as që ka Venecian kundër, OSCE-ODIHR kundër, PE me 534 vota kundër si asnjëherë më parë.
Nuk kupton që nuk ka një shkemb përball si Turi por tre shkembinj gjigandë, nuk përplaset mes dallgëve si Dvorani me shokët e shitur por mes shkëmbinjve”, shkruan Maliqi.
Postimi nga Lefter Maliqi
😂Turi i maturës dhe Gomari i diktaturës👎….Bashkë me eklipsin dhe solsticin veror duket se po i afrohemi fundit të qershorit, një muaji të ngjeshur me ngjarje e histori ku pikasin: Turi i Maturës( shteterore) dhe Edi i Diktaturës (shtetërore).
Jo pa qëllim vendosa shenjën e barazimit mes të dyve, sepse sado në dilema e trilema t’i kenë futur shqiptarët, të dy personazhet ngjajnë çuditërisht shumë.
I pari mbeti një hije e së shkuar e së tashmes, se fatin e tij nuk e di njeri…
Me shumë gjasa shkëmbinjtë imagjinare e kanë përpirë pasi ia copëtuan keqas varkën.
Ai do vazhdojë të thirret Turi i maturës pikërisht për këtë. Ndërkaq personazhi tjetër; Edi i Diktaturës, në varkën e krimit e të korrupsionit tashmë dridhet se ka 3 shkëmbinj përpara dhe popullin si mal.
Turi i maturës do ta kishte këshilluar të ndrronte varkë ose të vizitohej në një mjek, por drejtuesi i varkës se krimit nuk degjon njeri. Nuk sheh as që ka Venecian kundër, OSCE-ODIHR kundër, PE me 534 vota kundër si asnjëherë më parë.
Nuk kupton që nuk ka një shkemb përball si Turi por tre shkembinj gjigandë, nuk përplaset mes dallgëve si Dvorani me shokët e shitur por mes shkëmbinjve.
Acarohet Edi i Diktaturës; Rrëzon nga varka e tij Dvoranin, siç ka rrëzuar me parë shokët Kocon, Fidelin, Beson, Tahirin, Markun, Gjushin, Bushatin, Blushin, Daden, Doklen, Qazimin, Cukon, Ndoken, Roshin, Kajmakun, Peleshin, Dashin …. por prapë shkëmbinjtë janë aty kokëfortë e të patjetërsueshëm ashtu si historia dhe e vërteta.
Dihet fati i Ed Diktaturës; varka e Rilindjes do përmbyset bashkë me të. Shkëmbinjtë do jenë aty dhe për shumë shekuj. Shpejt do vijë dita që deti do qetësohet, që edhe shkëmbinjtë do jenë pjesë e peisazhit të historisë pa Edvinë pa diktaturë, pa Turin e pa shpurë….
