Kreu demokrat Lulzim Basha ka reaguar sot gjatë një takimi me biznesin në Vorë, ka reaguar edhe ndaj Klodian Mërtirit, i përfshirë së fundmi në një skandal në Zimbabve, që çoi deri në arrestimin e ministrit të Shëndetësisë së këtij vendi.
Basha tha se Klodian Mërtiri dhe ortakët e tij, dje kanë marrë 500 mijë euro nga taksat e shqiptarëve.
“Sot është festë për Klodian Mërtirin, për partnerët e tij të njohin botërisht në mediat shqiptare, që vazhdojnë të censurojnë denoncimet e opozitës për këtë aferë. Është ditë feste për parnerët e tij nga Edi Rama te Ahmetaj, Veliaj me shokë sepse dje kanë marrë 500 mijë euro nga taksat e shqiptarëve.
Urime Klodian Mërtiri! Urime Arben Ahmetaj! Urime Edi Rama. 500 mijë euo nga xhepat e shqiptarëve. Ndërkohë qindra mijëra familje do të vazhdojnë të mbeten pa bukë. Kjo nuk mund të zgjasë dhe nuk di të zgjasë. Do të bëhemi bashkë ta ndalim këtë të keqe, për një jetë normale dhe më të mirë”, u shpreh Basha.
Sipas tij, shteti shqiptar nën Edi Ramën është kthyer në një bandë të madhe, që përpin paratë.
“Ne nuk kemi mundur që tiu japim shqiptarëve në nevojë as 10 euro për frymë. Urime Klodian Mërtiri, urime Edi Rama, urime Arben Ahmetaj, urime Erion Veliaj, që mijëra shqiptarë do të mbeten pa kotheren e bukës nga vendimet tuaja. Duhet të bëhemi bashkë që ta ndalim këtë të keqe”, u shpreh Basha.
Covid-gate i Klodian Mërtirit/ Afera 60 mln USD, arrestohen bosët e “Natpharm”
