Napoli vazhdon formën e mirë të shfaqur së fundmi edhe në transfertë ndaj Veronës. Skuadra e drejtuar nga Gatusso mundi pastër me rezultatin 0-2 verdheblutë.
Kjo sfidë mund të cilësohet edhe si një derbi mes shqiptarve ku Elseid Hysaj i Napolit vihej përballë Marash Kumbullës dhe Amir Rrahmanit, ku fitimtar doli shkodrani.
Ndryshe nga ndeshjet e fundit, Hysaj e nisi ndeshjen si titullar, ndërsa u zëvendësua në minutën e 67-të ku në vend të tij u inkuadrua Ghoulan.
Për tu rikthyer te ndeshja, Napoli kaloi në avantazh me Milik në minutën e 38. Pjesa e dytë ishte e barabartë për të dyja skuadrat, me Veronën që rrezikoi disa herë për gol, por për të siguruar fitoren e Napolit mendoi Loznao, i cili shënoi në minutën e 90 pas një asisti të marrë nga Gulam.
Me këtë sukses Napoli shkon në kuotën e 42 pikëve dhe renditet i 6-i, ndërsa Verona pozicionohet dy vende më poshtë me 38 pikë.
