Prej kohësh flitej se në kampionatin francez do të rritej numri i ekipeve pjesëmarrëse për sezonin 2020-2021.
Për shkak të mbylljes së parakohshme të këtij sezoni për shkak të COVID-19, fillimisht u vendos që të mos binte asnjë skuadër nga kategoria dhe sezoni i ri të i Ligue 1 të ishte me 22 skuadra, ku do të ngjiteshin dy ekipe nga Ligue 2.
Megjithatë, diçka e tillë nuk është marrë parasysh nga Federata e Futbollit, ku në mbledhjen e sotme, është diskutuar pikërisht për këtë gjë dhe kjo ide është hedhur poshtë nga bordi drejtues.
Ishin plot 74,49 % të votave që zgjodhën të vazhdojnë me sistemin aktual, pra me 20 ekipe. Më pas erdhi dhe konfirmimi zyrtar se Ligue 1 do të zhvillohet me 20 ekipe të paktën dhe për sezonin 2020/2021.
Tashmë duke marrë parasysh këtë vendim nuk dihet çfarë do të ndodhë me kërkesat e Toulouse dhe Amiens që dëshironin të luanin në elitë edhe sezonin e ardhshëm.
Këto dy skuadra me shumë gjasa do të rrëzohen nga kategoria për t’i bërë vend dy ekipeve që u renditën të parat në Ligue 1, Lorient dhe Lens. Për Toulouse dhe Amiens nuk mbetet gjë tjetër veçse ta apelojnë vendimin e ligës franceze të futbollit në komisionet përkatëse të federatës franceze të futbollit.
