Dy fëmijë me COVID-19, rreth moshës 2-vjeçare raportohet se janë shtruar në pavionin e Pediatrisë në QSUT.
Sipas “Fax News”, mamaja e njërit prej fëmijëve punon në një ministri, nga ku edhe dyshohet se është infektuar.
Ditët e fundit, është raportuar për një numër të lartë personash të infektuar me COVID-19 në institucionet publike.
33 raste të reja me Covid 19 janë zbuluar në 24 orët e fundit në vendin tonë, në 239 testime që janë kryer në total. Sipas Ministrisë së Shëndetësisë, 82 pacientë ndodhen të shtruar te Infektivi, 10 prej tyre janë në terapi intensive ndërsa 1 është i intubuar. Numri i të infektuarve aktivë, është rritur në 792.
