Një person ka ndërruar jetë teksa drejtonte automjetin e tij në Fier. Sipas informacioneve paraprake, drejtuesi i mjetit i identifikuar si Aleksandër Zarka, ka ndërruar jetë si pasojë e një ataku kardiak.
Ngjarja ka ndodhur rreth orës 14:50 në aksin Fier- Lushnje. Burime për mediat bëjnë me dije, se shoferi kishte ndaluar makinën në anë të rrugës.
“Sot në datë 22.06.2020, rreth orës 14:50, në aksin rrugor Fier-Lushnje, në vendin e quajtur ‘Vajkan’, shtetasi A. Z., duke drejtuar automjetin ‘IVEKO’, dyshohet se ka pësuar infarkt dhe për pasojë ka gjetur vdekjen. Grupi hetimor po punon për zbardhjen e plotë të ngjarjes”, njoftoi policia.
