Një automjet është djegur gjatë natës në lagjen Pavarësia në qytetin e Vlorës. Ngjarja ka ndodhur rreth orës 03:00 të mëngjesit të sotëm.
Dyshimet e para janë se zjarrvënia ka qenë e qëllimshme, ndërsa policia ka nisur hetimet.
Automjeti i djegur është tip Mitsubishi Pajero, i cili ka qenë i parkuar. Nga djegia e automjetit me targa AA 700 YO, nuk ka patur të lënduar.
Policia raporton se automjeti në pronësi të shtetasit M.N është djegur pjesërisht në pjesën e përparme.
Policia njoftoi se “në orët e para të mëngjesit të sotëm, në lagjen “Pavarësia” Vlorë, ka marrë flakë në parkim automjeti tip Mitsubishi Pajero, në pronësi të shtetasit M.N, i cili si pasojë është djegur pjesërisht në pjesën e përparme. Po punohet për zbulimin e shkakut të rënies së zjarrit.”
