UEFA ka gjobitur Olimpique Marseille me 3 milionë euro pasi klubi francez ka shkelur rregullat e Fair Play Financiar.
Gjithashtu nëse klubi do të marrë pjesë në kompeticionet europiane, Marseille do t’i mbahen 15% e fitimeve. Veç kësaj, ish-klubi i Lorik Canës do të duhet të ketë një numër të reduktuar futbollistësh në kompeticionet UEFA, pra 23 në krahasim me 25 që është edhe kufiri i lejuar.
UEFA vazhdon kështu politikën e saj duke mos toleruar shkeljet për Fair Play, ku deri më tani skuadra që e ka pësuar më rëndë është Manchester City e cila është pezulluar me dy vite mospjesëmarrje në Ligën e Kampioneve por që gjithsesi vendimin final do ta marrë CAS.
