Kryetarja e LSI-së, Monika Kryemadhi, u shpreh mbrëmjen e sotme në emisionin “Opinion”, se opozita bëri gol me marrëveshjen për reformën zgjedhore.
“Sigurisht që Lulzim Basha bëri gol dhe bëri një gol nga një distancë shumë të largët. E bëri gjithë opozita.
Unë them që këtu ka humbur ai që donte të mbushte kutitë siç i mbushi më 30 qershor”, tha ajo në “Opinion”.
E pyetur nëse LSI-ja do të ishte e përfshirë edhe brenda listës së Partisë Demokratike në zgjedhjet e ardhshme, ajo tha se partia që drejton nuk fut lugën në pjatat e të tjerëve.
“LSI asnjëherë nuk e fut lugën tek pjata e tjetrit dhe sidomos në situatën ku jemi. LSI ka angazhimin e shumë të rinjve dhe të rejave. LSI ka qenë gjithmonë e qëndrueshme me elektoratin e saj”, tha ajo.
