“Në asnjë mënyrë mos u ndani nga foshnjat e tuaja dhe në asnjë mënyrë mos ndërpresni ushqimin me qumësht gjiri për t’u mbrojtur sa më mirë”
Kjo është apeli që iu bën nënave të reja apo atyre që pritet të sjellin në jetë një fëmijë, shefja e Neonatologjisë në Maternitetin “Koço Gliozheni”, Alketa Hoxha.
Përmes një mesazhi në ‘Facebook’ të publikuar në faqen e ministres së Shëndetësisë, Ogerta Manastirliu, mjekja pediatre thekson se rregullat për të parandaluar COVID19 duhet të jenë të zbatueshme nga të gjithë
“Rregullat për të parandaluar COVID19 duhet të jenë të zbatueshme nga të gjithë. Ne kemi një kategori shumë më të ndjeshme siç janë gratë shtatzëna, nëna me fëmijë në gji, nënë që kanë fëmijë të lindur me probleme që duhet të mbrohen patjetër. Ju lutem të heqim dorë në këto momente nga ardhjet e panevojshme dhe mbingarkesat në maternitete që t’i japim mundësi fillimit të jetës pa asnjë problem. Një këshillë të veçantë për të gjitha nënat, të cilat duke ndjekur rregullat, në asnjë mënyrë të mos ndahen nga foshnjat e tyre dhe në asnjë mënyrë të mos ndërpresin ushqimin me qumësht gjiri për t’u mbrojtur sa më mirë”,- tha Hoxha.
