Një konflikt fizik mes dy të rinjve që ka degraduar deri në përdorimin e thikave është regjistruar dje në Bulqizë. Ngjarja ka ndodhur rreth orës 14:00, në vendin e quajtur “Pishat”, Bulqizë.
“Shërbimet e Policisë kanë konstatuar se pas një debati për motive të dobëta, shtetasi A. M. ka goditur me mjet prerës (thikë), shtetasin F. Xh., ndërsa ky i fundit e ka goditur shtetasin A. M., me një dërrasë, duke i shaktuar dëmtime të lehta. Në përfundim të veprimeve të para hetimore, nga specialistët për Hetimin e Krimit u bë arrestimi në flagrancë i shtetasve F. XH., 25 vjeç dhe A. M., 28 vjeç, të dy banues në Bulqizë.”
Materialet procedurale në ngarkim të shtetasve të lartpërmendur iu referuan Prokurorisë Dibër për veprime të mëtejshme.
