Pas 3 orësh diskutime, Këshilli Politik nuk ka gjetur ende dakordësinë lidhur me formulën e rikompozimit të Komisionit Qendror të Zgjedhjeve.
Damian Gjiknuri, përfaqësuesi socialist në Këshillin Politik, tha se PD-ja ka ndryshuar qëndrim dhe kërkon që anëtarët e KQZ të jenë me mandat.
Gjiknuri në fjalën e tij është shprehur se PD-ja duhet ta thotë publikisht se çfarë kërkon në të vërtetë në mënyrë që të mbyllim me sukses marrëveshjen për Reformën Zgjedhore.
“Nuk kemi rënë dakord për ndonjë gjë pasi PD i është kthyer skemës së KQZ, kjo bën të mendosh që ajo që propozuan ekspertët që kanë qënë pjesë e disktutimeve është që të krijojmë një trupë të qëndrueshme.
Të krijojmë një trupë profesionale dhe me mandate më të gjata se çfarë janë sot. Siç duket PD kërkon vetëm një marrëveshje zgjedhore për të marrë disa garanci dhe mund të ishte më e ndershme për të mbajtur siç është KQZ-ja. Realisht ky ishte devijim i bisedës sepse nuk e shbëjnë dot parlamentin. Duhet të ketë një reflektim nga ana e tyre.
Ata kërkojnë mandate 4-vjeçare siç janë sot. Të rrimë tek kjo që jemi dhe s’kemi pse të bëjmë debat. U kthye në një marrëveshje për të marrë pjesë në zgjedhje.
PD kërkon që të kemi sërish këtë vendimmarrje, pra kërkon KQZ aktuale. Është më e ndershme kjo, tentuam të bëjmë një gjë të mirë. Të rrimë me këtë skemë. Forma e KQZ ishte parashikuar me mandatet siç e kishim parashikuar. Ta thonë publikisht se ne sinqerisht nuk kemi asnjë problem. PS është shprehur se do ta respektojmë marrëveshjen, do ta shikojmë se ne nuk i kemi votat.
Ata janë faktorë politikë, do ta gjejmë një zgjidhje edhe me ta. Kjo marrëveshje u negociua edhe nga ndërkombëtarët. Nuk parashikoj dot”, tha Gjiknuri, duke shtuar se për koalicionet parazgjedhore, PS do të flasë e fundit.
