E gjithë vëmendja në sportin e boksit aktualisht është te Tyson Fury. Anglezi gjunjëzoi Wilder-in duke i marrë edhe titullin WBC ndërsa së fundmi ka ftuar në një duel të drejtpërdrejtë bashkëkombasin e tij Anthony Joshua.
“Gypsy King” ka renditur pesë boksierët që sipas tij janë më të mirët në peshat e rënda. Sigurisht ai ka vënë veten e tij në pozitën e parë ndërsa në vendin e dytë ka pozicionuar amerikanin Deontay Wilder ndërsa podiumin e plotëson Anthony Joshua.
Më pas në listën e tij vijnë Oleksandr Usyk dhe Dillian Whyte, përkatësisht në vendin e katërt dhe të pestë.
