Të shtëna me armë kanë ndodhur rreth mesnatës në periferi të kryeqytetit, fatmirësisht pa persona të lënduar.
Raportohet se ndaj kompleksit “Eiffel” që shërben dhe si bar në Yrshek është qëlluar me breshëri plumbash.
Lokali, në pronësi të shtetasit Enver Caushi, që gjendet në rrugën dytësore përballë autostradës, pësoi dëme të shumta materiale.
“Rreth orës 00:35, në Yrshek, në rrugën dytësore Tiranë-Vorë, është qëlluar me armë zjarri në drejtim të një kompleksi në pronësi të shtetasit E.Ç., 49 vjeç, ku ka vetëm deme materiale. Grupi hetimor dhe shërbimet e Policisë vijojnë punën për identifikimin dhe kapjen e autorit”, njoftoi policia.
