Erald Çinari shënoi pasditen e sotme plot 4 gola në fitoren e thellë 8-1 të Partizanit kundër Luftëtarit.
Sulmuesi shkodran u shfaq i lumtur pas ndeshjes, ku deklaroi se merita për këtë performancë të tij i shkon edhe skuadrës që sot ishin në ditën e tyre më të mirë. 29-vjeçari gjithashtu deklaroi se “Të Kuqtë” do të synojnë deri në fund për siguruar një vend në Kupat Europiane.
“Jam shumë i lumtur, është hera e parë që shënoj katër gola në një ndeshje. Kjo erdhi nga e gjithë skuadra. Punuam fort. Edhe në ndeshje e tjera ka qenë kështu, por nuk na ka dalë goli. Shpresojmë të vazhdojmë me fitore”.
“Përderisa matematika na lejon, do besojmë për Europën. Kualiteti është, grupi është. Shpresoj të kemi vazhdimësi. Objektivi im është të ndihmoj ekipin, pastaj edhe gjërat individuale nuk duhen lënë pas. Do të thotë shumë të jesh golashënuesi i Partizanit”.
