Real Madrid do të presë sot Eibarin, por jo në stadiumin “Santiago Bernabeu”. Për herë të parë në historinë e tij të shkurtër, stadiumi “Alfredo Di Stefano”, që ndodhet në kompleksin sportiv të klubit madrilen, do të mirëpresë një ndeshje të kategorisë së parë të kampionatit spanjoll.
Aktualisht, në Bernabeu po zhvillohen punime për rikonstruksionin e tij dhe ndeshjet në shtëpi, ekipi i Zinedine Zidane do t’i luajë në stadiumin e vogël.
Një ndeshje kjo, ku “Los Blancos”, duhen të marrin vetëm 3 pikët, duke marrë parasysh fitoren e lehtë 0-4 të Barcelonës ditën e djeshme kundër Mallorcës. Aktualisht diferenca mes skuadrave është 5 pikë, me katalanasit në krye.
Ndeshja luhet në orën 19:30.
