Skuadra e Barcelonës fitoi me rezultatin e thellë 0-4 ndaj Mallorcas në ndeshjen e tyre të parë pas tre muajve ndërprerje për shkak të pandemisë së coronavirusit.
Golat për katalanasit u shënuan nga Vidal, Braithwaite, Jordi Alba dhe Lionel Messi.
Megjithatë, u vu re se lojtari i afruar rishtazi nga Barcelona, danezi Martin Braithwaite nuk e festoi golin e tij të parë si katalanas, duke u treguar i pandjeshëm ndaj urimeve të shokëve të tij të skuadrës që nxituan për ta përgëzuar.
Sipas Mundo Deportivo, kjo ndodhi sepse ish-futbollisti i Leganes ishte thjesht në shok.
Sipas gazetës spanjolle, sulmuesi kishte ëndërruar për një kohë të gjatë për këtë moment, por nuk arriti ta shprehte gëzimin që kishte për arritjen e këtij qëllimi.
