Besa Shahini, ministre e Arsimit, e ka cilësuar një debat të skajshëm dhe të tmerrshëm, debatin mbi tezës e provimit të Gjuhës Shqipe dhe Letërsisë.
Shahini tha se të gjitha shqetësimet e ngritura nga maturantët dhe mësuesit.
“Kjo është një çështje teknike, me të cilën merren ekspertët e fushës, ndërsa politika duhet të qëndrojë larg.
Provimet nuk penalizojnë nxënësit, por mat njohuritë dhe aftësitë e nxënësve”, tha Shahini.
Sipas saj, testi mat aftësitë e nxënësve dhe ky lloj testi, orienton drejt një matjeje të tillë.
“Po shkojmë drejt matjes së kompetencave të nxënëseve, jo vetëm njohuritë që ata mund ti kenë mësuar përmendësh.
Ne gjuhën shqipe e përdorim për ta aplikuar drejt, studimet dhe njohuritë për letërsinë duhet të na hyjnë në punë në jetë, ndaj dhe testet janë formuluar në këtë mënyrë”, tha Shahini.
Sipas saj, në protestën para Ministrisë së Arsimit, kishte studentë, që e kanë bërë më parë Maturën Shtetërore.
Mesazhi i Besa Shahinit
Ju drejtohem sot sepse besoj se jeni shqetësuar nga një debat i çuditshëm. Një stërpolitizim i skajshëm, i cili shpërqëndroi nxënësit nga puna për provimet e radhës por edhe keqinformoi një debat që mund të ishte i dobishëm kombëtar për mënyrën si po zhvillohet sistemi i arsimit universitar.
QSHA kanë adresuar të gjitha shqetësimet për mënyrën sesi është zhvilluar matura dhe si do të zhvillohen javën tjetër. Kjo është një çështje teknike që e organizojnë ekspertët e fushës dhe më pak ne që jemi persona politikë.
Provimet Kombëtare nuk penalizojnë nxënësit. Kjo është e rëndësishme të përmendet. Është i dizajnuar që të masë njohuritë e nxënësve. Testi Piza që është standarti i vlerësimeve e bën këtë. Të gjitha vendet e tjera kanë shkuar drejt kësaj.
Të masin kompetencat që nxënësit duhet të kenë. Pyetjet, dëgjova disa të rinjtë thoshin që kishin pyetje logjike, por kështu duhet të jetë. E mësojmë për ta përdorur drejt. Provimet kombëtare kanë filluar të masin kompetencat.
Një debat që duhet të ndodhë, jo nga politika por ekspertët, për mënyra sesi po u mësohet gjuha shqipe në shkolla. Duhet të ndodhë nga ata që kanë mësuar letërsinë.
Në fund, thashë disa të rinj kur iu referova protestuesëve sepse nuk e di kush po proteston, mesa pashë kishte studentë që ishin pjesë e partive opozitare dhe disa që ishin në universitet. Pashë që kishte dalë edhe një burrë.
Jam e bindur që maturantët nuk identifikohen me këta persona. Ju uroj suksese nesër dhe për provimin e të enjtes.
