Dy pacientë, të prekur nga Covid-19, janë shtruar gjatë ditës së sotme në spitalin Infektiv në Tiranë.
Më herët ISHP njoftoi 57 raste, kryesisht në Krujë dhe Tiranë, ndërsa në spital ishin të shtruar 47 pacientë, 7 prej të cilëve në terapi intensive, dhe njëri prej tyre i intubuar.
Në autoambulancën që shihet në videon e siguruar për “BalkanËeb” nga gazetari Erjon Skëndaj po transportohej një e moshuar dhe një vajzë e re, të dyja të dyshuara me COVID 19.
Sipas raportimit, gjendja e dy pacienteve nuk dukej e rënduar.
Më herët te Infektivi ka mbërritur edhe një tjetër urgjencë. Nga raportimet mësohet se bëhet fjalë për një pacient të moshës 50 vjeç.
Bashkë me 3 shtrimet gjatë paradites së sotme, numri i pacientëve në Infektiv shkon në 50 pacientë.
