Një 42-vjeçar i shpallur në kërkim që prej vitit 2015 është arrestuar nga policia e Vlorës.
Pas hekurave ka përfunduar shtetasi Agron Velaj, 42 vjeç, banues në fshatin Mifol, Vlorë.
“Ky shtetas u kap në zonen e Novoselës, pasi Gjykata e Vlorës e ka dënuar me 6 vite burg, për veprën penale “Prodhimi dhe shitja e narkotikëve” kryer në bashkëpunim. Ngjarja i referohet muajit janar të vitit 2015, kur u gjet dhe u sekuestrua një sasi e konsiderueshme me lëndë narkotike cannabis sativa (150 kg), në banesën e shtetasit Agron Velaj.” thuhet në njoftimin e policisë.
Materialet i kaluan Prokurorisë së Vlorës, për veprime të mëtejshme.
