Ka marrë fund teatri i kryeministrit Edi Rama me ‘opozitën’ parlamentare, për gjoja takime dhe diskutime për Reformën Zgjedhore.
Ashtu siç edhe ishte paralajmëruar në media grupi ‘rebel’ i opozitës parlamentare nuk ëhstë gjë tjetër veçse trupa e re teatreale me të cilën kryeministri Edi Rama kërkon të luajë aktin e radhës, duke thenë se nuk ëhstë ai që nuk e do marrëveshjen për Reformën Zgjedhore siç u dakordësua nga të gjitha palët, por janë pakica në Kuvend.
Loja e Ramës tashmë është e qartë, ai ka në dorë grupin parlamentar opozitar të cilët hiqen sikur nuk e duan këtë reformë zgjedhore, duke kërkuar ndryshimin e sistemit zgjedhor si dhe depozitojnë amendamente kushtetuese për të ndaluar koalicionet parazgjedhore, dhe nga ana tjetër është aktri kryesor (kryeministri i Shqipërisë), i cili bën sikur është nën presionin e tyre për vota, që të prishë marrëveshjen për reformën dhe të veprojë në mënyrë të njëanshme për të mos lejuar opozitën të dalë e bashkuar në një koalicion fitues.
Por të gjithë këtë teatër, të inskenuar nga Edi Rama, e hedh në erë një detaj….
Si i nxori zbuluar “rebelët” e Ramës dokumenti për ndryshimet kushtetuese?
Ilir Rusmajli është ekspert i Komisionit Parlamentar të Reformës Zgjedhore. Ai i paraqet Komisionit dhe Këshilli Politik projektligje sipas kërkesave që miratohen në Komision ose në Këshill.
Ky është rregulli zyrtar, por eksperti i Komisionit është përdorur në fshehtësi nga Edi Rama për të shkruar draftin e deputetëve “rebelë”, që gjoja kerkojnë ndryshim sistemi. Kur drafti i dorëzuar në komision hapet në kompjuter, ai tregon (në foton poshtë) se është punuar nga kompjuteri i familjes Rusmajli.
Drafti i shkruar nga Lindita Rusmajli
Lindita Rusmajli është bashkëshortja e ekspertit dhe punon në Kuvendin e Shqipërisë.
Vërtetë mbikëqyr një reformë, por jo atë zgjedhore. Merret me reformën në drejtësi. Përdorimi i ekspertit të Reformës Zgjedhore për të shkruar fshehtas draftin e deputetëve që bëjnë sikur nuk i binden Ramës, tregon qëllimin e vërtetë të Kryeministrit. Ai po kërkon të ndalojë rotacionin politik duke paracaktuar rezultatin në tavolinë përmes skemave të tilla, me amendamente që përgatiten nga ekspertë të paguar nga Rama dhe që, pastaj, shiten si propozime deputetësh.
