Vedat Muriqi rikthen Fenerbahcen te fitorja. Sulmuesi i Kosovës hyri në fushë nga stoli dhe arriti të linte shenjë në suksesin 2-1 me përmbysje që verdhezinjtë nga Stambolli arritën ndaj Kayserispor.
I hedhur në fushë në minutën e 64-t, Vedat Muriqi në të 87-ën kthehu në gol një 11-metërsh duke realizuar golin e 14-të sezonal në Superligën turke.
Përmbysjen e madhe të Fenerbahces e kompletoi mesfushori brazilian Luiz Gustavo, 1 minutë më vonë. Me këtë sukses Fenerbahce u afrua me zonën europiane, ndërkohë që Muriqi tregoi edhe njëherë tjetër se është një lojtar shumë i rëndësishëm për skuadrën nga Stambolli dhe më të drejtë kërkohet nga shumë klube të rëndësishme europiane.
