164 raste pozitive, 2 viktima dhe 12 të shëruar është bilanci i COVID-19 për 24 orët e fundit në Maqedoninë e Veriut.
Autoritete e shëndetësisë konfirmuan se nga 1045 teste të realizuara, 164 prej tyre kanë rezultuar pozitiv me COVID-19. Raste e reja janë nga: Shkup – 85, Kumanovë – 24, Dibër – 3, Shtip – 5, Prilep – 3, Tetovë – 18, Strugë – 5, Manastir – 9, Gostivar – 2, Gjevgjeli – 1, Kriva Pallankë – 1, Koçani – 1, Makedonski Brod- 1, Berovë – 1, Sveti Nikollë – 2, Resnje – 2 dhe Negotino – 1 rast.
Brenda 24 orëve betejën me koronavirusin e ri e kanë humbur edhe dy persona të tjerë. Bëhet fjalë për një pacient nga Shkupi dhe një nga Tetova.
Gjatë 24 orëve të fundit betejën me COVID-19 e kanë fituar dhe 12 pacientë.
Numri i përgjithshëm i pacientëve të diagnostifikuar me Covid-19 në Maqedoninë e Veriut ka arritur në 3701, prej të cilëve 1694 janë shëruar kurse 171 pacientë kanë ndërruar jetë si pasojë e Covid-19 në disa raste të shoqëruara me sëmundje tjera. Për momentin ka 1.836 raste aktive me koronavirus.
