Ditën e djeshme, këngëtarët e njohur Alban Skënderaj dhe Elgit Doda lançuan këngën e tyre më të re ‘Parajsa ime’. Bashkëpunimi i tyre veror u prit aq mirë sa brenda pak orësh mori klikime dhe komente të shumta.
Mirëpo, duket se jo të gjitha komentet kanë qenë pozitive. Më i fundit vjen nga këngëtari shqiptar Orges Qato i cili ka hedhur akuza të rënda ndaj dy artistëve, të cilët sipas Alores i kanë marrë projektin e tij të shkruar para një viti e gjysmë.
Me anë të një postimi në Instastory në Instagramin e tij, këngëtari i akuzon Albanin dhe Elgitin se i kanë marrë projektin.
“Mango” ishte në “Parajsën time” para se ta zbulonit ju ne “Parajsën” tuaj. Por jo vetëm kjo gjetje është fryt i krijimtarisë sime, e që sapo e bëtë tuajën…”, shkruan ndër të tjera Alores.
