Kryeministri Edi Rama, ka reaguar ndaj ish-deputetes së PD, Jorida Tabaku, e cila tha se kryeministri po gënjen popullin, teksa flet për emetimin e eurobondit prej 650 milionë euro.
Tabaku u shpreh se eurobondi është një borxh ekstra për veset e vjetra të kryeministrit Rama, pa asnjë shqetësim për hallet e shqiptarëve.
Nëpërmjet postimit në Twitter, kryeministri e quan eurobondin një sukses kuptimplotë, përmbajtja e të cilit është pasqyrë e qartë e zbrazëtisë së propagandës politike-mediatike kundër qeverisë.
Kryeministri Rama në Twitter:
Përmbahu zonja Tabaku, përmbahu sepse gjuha e akuzave dhe fyerjeve nuk është as argument, as shembull qytetarie në një shoqëri që ka nevojë për t’u pastruar në gjak e në mendje nga helmi i fjalëve të rënda, të cilat prej vitesh janë bërë buka dhe djathi i tregut të politikës…
Doni s’doni ju Eurobondi ishte një sukses kuptimplotë, përmbajtja e të cilit është pasqyrë e qartë e zbrazëtisë së propagandës politike-mediatike kundër qeverisë dhe në fakt, kundër vetë Shqipërisë që ju e tregoni përditë si ferrin mbi tokë! Shqipëria dje triumfoi, doni s’doni.
LEXO EDHE:
Tabaku-Ramës: Sa herë je në vështirësi gënjen shqiptarët dhe bën sulme personale
