Administratori i deleguar i Interit, Beppe Marota, ka folur për disa nga temat më të prekshme momentalisht te skuadra e Interit, Lautaro Martinez dhe Sandro Tonali. I pari përflitet për një largim drejt Barcelonës ndërsa talenti italian shihet si një përforcim i radhës i zikaltërve.
E ardhmja e Lautaro Martinez- “Do të përballemi me të dhe duhet ta bëjmë të kuptojë që një mundësi e tillë mund t’i paraqitet në të ardhmen, kur të jemi më i gatshëm për ta hedhur këtë hap. Lojtari mund të presë që të rritet më shumë tek Interi. Është e vështirë të flasësh për të ardhmen e tij në këtë moment, por unë i them: përqendrohu tek e tashmja, do të rinisë sezoni dhe kemi objektiva për të arritur. Mund të marrim shumë kënaqësi dhe futbollistët duhet të jenë protagonistë.”
Tonali? “Është një objektiv i arritshëm duke parë moshën e re të tij. Është një djalë akoma në fazën e rritjes që siç të gjithë e dinë ka një talent dhe potencial të jashtëzakonshëm.”
