Kampionati gjerman ishte kampionati i parë elitar që rifilloi sezonin 2019-2020, pas ndërprerjes për shkak të pandemisë së coronavirusit.
Ndërkohë me përjashtim të kampionatit francez, Ligue 1, të gjitha kampionatet e tjera elitare do të rikthehen së shpejti.
Kështu duke nisur nga kjo fundjavë, do të rifillojë La Liga spanjolle e cila ka mbetur pezull me Barcelonën që kryeson me 2 pikë më shumë se Reali i Madridit. Kampionati në Spanjë rifillon ditën e enjte në orën 22:00, me takimin Sevilla-Real Betis.
Në Itali futbolli rikthehet me Kupën e Italisë në datë 12 qershor. Juventus-Milan, gjysmëfinalja e kthimit është ndeshja e parë që do të luhet. Napoli-Inter do të pasojë një ditë më vonë, ndërkohë që Serie A do të nisë në datën 19 qershor.
Për sa i përket Premier Ligës angleze, ky kampionat do të rikthehet më datë 17 qershor me dy sfida të prapambetura të vlefshme për javën e 28-të, Aston Villa-Sheffield United dhe Manchester City-Arsenal.
