Miralem Pjaniç është i vendosur që gjatë kësaj vere të transferohet te skuadra e Barcelonës, pasi mesfushori boshnjak së fundmi ka refuzuar PSG-në dhe Chelsean.
Mesfushori 30 vjeçar, prej disa muajsh tashmë kërkohet nga katalanasit dhe duke ditur se nuk preferohet nga Sarri ai nuk mund ta lë t’i rrëshqasë kjo mundësi.
Megjithatë klubi i Juventusit ka qenë e pakënaqur nga ofertat e Barcelonës për shërbimet e Pjaniç ndërsa negociatat kanë mbetur në vend.
Gjithashtu Juventusi e ka kuptuar se nuk mund ta shkëmbejnë boshnjakun me Arthur Melon i cili nuk dëshiron të lëvizë nga Spanja dhe për këtë arsye ata do të përpiqen të fitojnë sa më shumë para nga shitja e lojtarit të tyre.
