Futbollisti kosovar, Mehmet Hetemaj, është kthyer në një hero pasi ka shpëtuar nga mbytja një fëmijë.
Ngjarja ka ndodhur në një liqen në Finlandë, aty ku 32-vjeçari ndodhej së bashku me nënën tij, kur pa një djalë të moshës 10-vjeç që ra nga një dyshek plazhi në ujë.
Këtë ngjarje ai e ka rrëfyer për mediat vendase ku ka deklaruar: “Moti ishte i mirë dhe së bashku me nënën po bënim banje dielli. Ishim 10 metra larg ujit. Gjithçka ndodhi shumë shpejt. Nëna ime e kapi djalin, por të dy përfunduan nën ujë. Hyra vetë në ujë dhe arrita te djali. Më pas e nxora mbi ujë.”
“Kam parë Baywatch dhe programe të ngjashme televizive dhe duket e lehtë. Me të vërtetë ishte e vështirë, edhe pse djali ishte më pak se 10 vjeç. Thjeshtë e ngrita në sipërfaqe me të dy duart dhe ia hapa këmbët.”
“Notova disa metra dhe teknika imë nuk ishte e duhura, pasi djali dukej shumë i rëndë. Shpesh unë shkoj dhe notoj me ekipin aty. Nuk do ishte diçka e keqe nëse do të bënim kurse për shpëtimin e njerëzve”.
