Mirush Kabashi, një prej emrave më të njohur të ekranit shqiptar, e konsideroi shembjen e Teatrit si makabre. Në emisionin “Provokacie”, Kabashi tha se mënyra se si u shemb Teatri Kombëtar nuk tregon për ndërtimin e një Teatri të ri, por për të treguar forcën dhe për interesa të caktuara.
Kabashi tha se ligji për artistët është diktatorial.
“E dini ju që Drejtori i Teatrit caktohet nga Kryeministri, ndërsa bordin artistik e cakton ministri i Kulturës. Mund të të them se ky ligj është diktatorial se ai i viteve ´88.
Artistët janë të politizuar, disa janë blu dhe disa janë rilindas. E dini ju që drejtorët e Teatrit angazhohen në fushata?
Drejtori i Teatrit është person politik, bordi po kështu. Artistët janë nën trysni politike, e dini ju pse nuk dilnin artistët në protestë?
Nuk kanë mbrojtje, as si nënpunës civilë. Duhet ndryshuar ligjin për artistët”, tha Kabashi.
