Presidenti Ilir Meta deklaroi këtë të Premte se i ka kërkuar kreut në ikje të KLSH-së, Bujar Leskaj, të mos bjerë pre e presioneve nga politika.
Në një konferencë për mediat, Meta foli edhe për letrën që një ditë më parë i dërgoi kreut të Kuvendit Gramoz Ruci, pas propozimit të emrit të ri për kreun e KLSH-së: Dr.Arben Shehu.
“Në datën 26 maj jam njohur edhe me letrën e Ruçit, për kreun e KLSH-së. Nuk do të lejoj të bëhet një shantazh politik apo presion politik. Dje i kam kërkuar kryetarit të Bujar Leskajt që të qëndrojë në krye të detyrës dhe të mos bjerë pre e presioneve. I thashë që të mos i bindet asnjë urdhri”, tha Meta.
Presidenti i propozoi Kuvendit të Shqipërisë që Dr. Arben Shehu të zgjidhet në pozicionin e Kryetarit të Kontrollit të Lartë të Shtetit. Propozimi i kreut të Shtetit vjen pas rrëzimit të tre kandidaturave të para dhe thirrjes së Kuvendit për emrin e radhës. Meta i ka kërkuar kuvendit që ta shqyrtojë këtë kandidaturë me objektivitet dhe përgjegjshmëri.
Në një letër dërguar kryeparlamentarit, Meta shprehej po ashtu shprehej se rrëzimi i tre kandidaturave të kaluara nga Kuvendi ishte “presion politik për të propozuar një kandidaturë nga ato që kërkon prej kohësh mazhoranca”.
Gjatë konferencës, Meta foli dhe për reformën zgjedhore.
Lexo edhe
Meta: Vendi në krizë. Të shkohet sa më parë në zgjedhje të gjithëpranuara
