Kryetarja e LSI-së, Monika Kryemadhi po zhvillon një takim me kryetarin e Partisë Demokratike, Lulzim Basha.
Mësohet se drejtuesit e dy partive opozitare po zhvillojnë takimin në selinë e PD-së, ku të pranishëm janë edhe Oerd Bylykbashi dhe Petrit Vasili, përfaqësues të opozitës së bashkuar në Këshillin Politik.
Takimi vjen në një kohë kur prej dy ditësh anëtarët e Këshillit Politik janë angazhuar në bisedime në rezidencën e Ambasadores së SHBA, lidhur me arritjen e një marrëveshjeje për një Kod të ri Zgjedhor.
Takimi i Këshillit Politik me 3 ambasadorët, Yuri Kim, Duncan Norman dhe Luigi Soreca, rinisi në orën 20:30, ndërsa pritet që palët të firmosin draftin e dakordësuar, zbatimi i të cilit pritet të monitorohet nga ambasadorët që u angazhuan në proces.
