Juventusi dhe Barcelona prej kohësh janë në bisedime me njëra-tjetrën, ku në fokus tashmë janë disa futbollistë, si Pjanic, Arthur Melo Ousmane Dembele apo edhe Mattia De Sciglo.
Miralem Pjanic kërkohet nga skuadra spanjolle por në këmbim të tij bardhezinjtë dëshirojnë një lojtar të kampioneve të La ligës. Në kampin bardhezi fillimisht dëshironin në këmbim të boshnjakut, brazilianin Arthur Melo.
Por pasi ky i fundit u shpreh qartazi se nuk dëshiron të lëvizë nga Barcelona një tjetër skenar po bëhet interesant për Juventusin. “Mundo Deportivo” raporton se Ousmane Dembele mund të jetë lojtari që do të përfshihet në marrëveshjen mes klubeve.
Sulmuesi francez dëshiron të ndryshojë ambient dhe Juventusit do t’i bënte punë. Sigurisht Miralem Pjanic nuk mjafton, pasi për Dembele katalanasit kanë paguar më shumë se 100 milion euro. Në tratativa mendohet të përfshihet edhe mbrojtësi Mattia De Sciglo.
