Ish-sulmuesi i Brazilit, Fred, largohet nga Cruzeiro për t’u rikthyer te skuadra e tij e mëparshme Fluminense dhe i befasoi tifozët e tyre duke njoftuar se do të udhëtonte me biçikletë për rreth 600 kilometrat për nënshkruar kontratën.
Ky vendim i futbollistit nuk është e rastësishme, por është një vendim i një natyre humanitare. Fred dëshiron të ndihmojë katër mijë familje të varfra dhe u bëri thirrje të gjithëve që të dhurojnë para, ushqim ose burime tjera për secilin kilometër që kalon në biçikletë. Ai e nisi fushatën në internet dhe shpreson të ketë sukses.
Ish-lojtari i Lyon-it do të udhëtojë nga Belo Horizonte në Rio De Zhaniero, aventurë kjo që do të zgjasë rreth 5 ditë.
