Presidenti i Real Madridit, Florentino Pérez ka konfirmuar se skuadra nuk do të luajë ndeshjet e tyre të mbetura në Santiago Bernabéu sapo La Liga të rikthehet.
“Los Blancos” kanë akoma gjashtë ndeshje të mbetura në shtëpi, përfshirë takimin e tyre kundër Eibar më 14 qershor, takime këto që do të zhvillohen në Valdebebas, ku ndodhet edhe kompleksi stërvitor i klubit “Mbretëror”.
Bernabéu aktualisht është në rinovim e sipër dhe fillimisht ishte planifikuar që punimet të përfundojnë në verën e vitit 2022, por tani që të gjitha ndeshjet do të luhen pas dyerve të mbyllura, Pérez konfirmoi në një letër drejtuar anëtarëve të klubit se ata do të përfitojnë nga situata duke përshpejtuar punimet.
Ndërkohë, me anë të presidentit, Florentino Perez, Real Madrid njofton të gjithë tifozët se po punohet mbi disa variante për rimbursimin e biletave për këtë sezon.
