Ish-kreu i KQZ-së, Kristaq Kume ka dhënë një një deklaratë për mediat pas përfundimit të mbledhjes së KQZ e cila shtyu për në janar kërkesën për referendum për ndryshim të sistemit zgjedhor.
Kjo kërkesë është bërë nga 12 aktivistë të shoqërisë civile, ku njëri prej tyre është dhe Kume.
Ish-kreu i KQZ-së ka deklaruar se do vazhdohet me këmbëngulje të kërkohet zhvillimi i një referendumi për të pyetur shqiptarët nëse e duan apo jo ndryshimin e sistemit zgjedhor.
“Ne do vazhdojmë të kërkojmë me këmbëngulje realizimin e një referendumi të tillë që qëllim kryesor ka të shprehet populli nëse është dakord apo jo për ta ndryshuar këtë sistem e të prodhojmë presionin maksimal të mundshëm të domosdoshëm për klasën tonë politike që ta trajtojë këtë problem me përparësi”.
Sipas Kumes, politika shqiptare nuk e do ndryshimin e sistemit zgjedhor.
“Kush e ka ndjekur zhvillimin e reformës zgjedhore, pa vështirësi duhet të ketë vënë re që për shumë gjëra s’janë dakord por për një gjë janë dakord të mos trajtojnë problemin e sistemit zgjedhor për një çështje që edhe KQZ nuk arriti të merrte vendim”.
