Një 18-vjeçar shqiptar rezulton si pacienti 1 në Itali, i infektuar nga Covid-19. Ai quhet Xhoni Mustafaraj dhe rezulton i infektuar 3 javë para pacientit me emrin Mattias nga Codogno, i cili për muaj me rradhë konsiderohej si pacienti 1.
Mediat italiane shkruajnë se 18 vjeçari Mustafaraj, futbollist profesionist i kategorisë C, i cili jeton në San Martino në Strada, në provincën e Lodi, me prindërit e tij, më 2 shkurt kishte të gjitha simptomat e Covid-19: ethe, vështirësi në frymëmarrje, humbja e shijes dhe aromës etj.
Për emisionin investigativ “Le Iene” ai ka rrëfyer historinë e sëmundjes së tij.
I riu u shtrua menjëherë në spital dhe qëndroi 2 javë me maskën e oksigjenit, në kujdesin intensiv. Pastaj, nga 13 deri në 26 shkurt, ai u transferua në nefrologji dhe dializë.
Për 3 javë Xhoni u kurua në spitalin e Lodit dhe nuk u diagonostikua për Covid 19, pasi nuk iu bë asnjë tampon sepse ishte ende herë e askush nuk kishte informacion mbi koronavirusin.
Zyrtarisht për autoritetet italiane pacienti 1 me Covid-19 është identifikuar në komunën Codogno. Ai është 31-vjeçari Mattia Maestri.
Por investigimi i bërë nga gazetarët e “Le Iene” dëshmojnë se në zonën e kuqe të Lombardisë, në territorin e provincës së Lodit, mund të ketë pasur raste të tjera para Mattias të prekur nga koronavirus. I tillë është rasti i të riut shqiptar Xhoni Mustafaraj.
18-vjeçari rrëfen se iu deshën 2 muaj të rimarrë veten. Ai humbi mbi 10 kilogramë në peshë, por ja doli të shërohej. Xhoni dyshon fort se sëmundja e tij ishte rrjedhë e infektimit nga koronavirusi, por që nuk iu vërtetua pasi nuk ishte shpallur ende emergjenca e virusit.
“Ishte e vështirë”, kujton Xhoni sidomos ditët në terapinë intesive.
Më 20 maj, ai ka kryer testin sieorologjik, i cili ka konfirmuar se është negativ nga koronavirusi, por që trupi i tij ka formuar antikorpe, që dëshmojnë se ka qenë i infektuar nga Covid-19.
