Djali i Abaz Dokut, ka folur në lidhje me aktin e rëndë të kryer nga i ati, i cili abuzoi seksualisht me dhunë me një të mitur, 15-vjeçe.
65-vjeçari, ishte roje shkolle në Babrru dhe abuzoi seksualisht me një nxënëse të kësaj shkolle, duke filmuar aktin dhe më pas atë ia u shpërndau dhe të tjerëve.
I biri e dënon aktin e rëndë të të atit dhe thotë se është konfrontuar fizikisht me të atin. Djali shton po ashtu se i ka kërkuar ai drejtorit të shkollës ta pushonte nga puna.
“E dënoj veprimin e babait. Na ka thënë se nuk ka kryer marrëdhënie me dhunë por gjithsesi ai është fajtor se ajo ishte e mitur. Unë e kam denoncuar dhe më herët tim atë për sjelljet e tij të pahijshme. Bashkë jemi konfrontuar edhe fizikisht për këtë cështje dhe unë kam kërkuar nga drejtori i shkollës që ta heqë nga puna para një viti. Kërkoj nga drejtësia që ta dënojë tim at”,- thotë ai.
Ngacmimet dhe përndjekjet e rojes së shkollës, Abaz Doku ndaj vajzës kanë nisur 1 vit më parë kur ajo ishte në klasën e 8-të.
Më pas roja është hequr nga puna dhe përndjekjen e vajzës e ka bërë në lagje. Ai e shantazhonte vajzën duke i thënë se ia dinte historitë intime që ajo ka pasur në shkollë dhe në një rast ka shkruar pranë banesës së saj në mur “S….. kur*a”.
Pas këtij episodi vajza është dorëzuar dhe ka kryer marrëdhënie seksuale me 65-vjecarin në një banesë që ai kishte nën kujdes.
