Një aksident i rëndë me pasojë plagosjen ka ndodhur në Lezhë. Aksidenti është shënuar ditën e sotme në aksin rrugor Shengjin-Kune.
Një automjet ka dalë nga rruga kryesore dhe është përplasur me një pemë.
Si pasojë e kësaj përplasjeje ka mbetur e aksidentuar drejtuesja e mjetit, e cila është dërguar drejt spitalit rajonal të Lezhës dhe po i nënshtrohet një ndërhyrjeje kirurgjikale.
Në vendngjarje ka shkuar policia ku po punon për të zbardhur shkaqet e këtij aksidenti.
